BURIANI KAKA MZIRAY

Marehemu super coach  Mziray ameagwa na kuzikwa leo 01/11/10 katika makaburi ya kinondoni.Nipengo kubwa sana katika anga za Michezo hususani mpira wa miguu.Hadi kifochake alikuwa kocha msaidizi wa Simba Sports club au wana msimbazi.Marehemu alikuwa akisumbuliwa na maradhi ya figo na mpaka anafariki alfajiri ya 30/10/10 saa 10 alfajiri, alikuwa amelazwa hospitali ya Aga Khani


Marehemu Syllersaid Mziray

Bonyeza hapa kwa picha zaidi toka global publishers

HISTORIA FUPI YA MAREHEMU MZIRAY

Mziray alianza kazi serikalini 1981 akiwa kama Afisa Lugha na Sanaa wa Wizara ya Utamaduni na Michezo kabla ya upandishwa cheo na kuwa Mtaalamu wa Soka Wizarani 1986.

Alichukuliwa na Chuo Kikuu cha Dar es Salaam sehemu ya Mlimani kama mhadhiri wa kitivo cha Elimu ya Viungo (Physical Education) lakini baadaye akaajiriwa na Chuo Kikuu Huria cha Tanzania akiwa ni mmoja wa wahadhiri wa masuala ya kijamii.

Itakumbukwa alikuwa na ndoto za kuanzisha Chuo cha Soka, ili kuinua mchezo huo hapa nchini na mara zote alikuwa akilia na program za vijana.

Mziray alizawaliwa Novemba 11 mwaka 1957 na kupata elimu ya msingi katika shule za Ifunda (Iringa), Lpw Academic (Iringa) Mpechi (Njombe), Songwe (Mbeya) Butimba (Mwanza) Lukajunge Karagwe) na kumalizia Wami (Morogoro) mwaka 1973.

Alisoma Sekondari ya Malangali na kidato cha tano na sita alisoma Sekondari ya Mirambo mkoani Tabora na baada ya kuhitimu, alijiunga na Jeshi la Kujenga Taifa (JKT) kambi ya Makutupora mkoani Dodoma iliyokuwa kwa mujibu wa sheria.

Mwaka 1981, alikwenda kozi mbalimbali nchini Bulgaria na kuhitimu 1986 na alipata shahada ya pili ya viungo na utamaduni.

Alikwenda Norway mwaka 1996 na 1997 kwa kozi nyingine na 2000 alikwenda Finland akiwa mwanafunzi wa Chuo cha Vuebamaki.

HUNGAZ TUNATOA POLE KWA NDUGU NA WAPENZI WOTE WA MICHEZO R.I.P SUPER CAOCH WETU